0:00
/
1ܘܟܲܕ ܦܸܫܠܹܗ ܝܠܝܼܕܵܐ ܝܼܫܘܿܥ ܓܵܘ ܒܹܝܬܠܚܸܡ ܕܝܼܗܘܼܕܵܐ: ܒܝܵܘܡܵܢܹ̈ܐ: ܕܗܹܪܘܿܕܸܣ ܡܲܠܟܵܐ: ܗܵܐ: ܐ݇ܬܹܐܠܗܘܿܢ ܡܓ̣ܘܼܫܹ̈ܐ ܡ̣ܢ ܡܲܕܢܚܵܐ ܠܐܘܿܪܸܫܠܸܡ. 2ܘܐܵܡܪܝܼ: ܐܲܝܟܵܐ ܝܠܹܗ ܡܲܠܟܵܐ ܕܝܗَܘܼܕܵܝܹ̈ܐ ܕܦܸܫܠܹܗ ܗَܘܝܼܵܐ: ܣܵܒܵܒ ܕܚܙܹܐܠܲܢ ܟܵܘܟ̣ܒܹܗ ܒܡܲܕܢܚܵܐ: ܘܐَܬܹܐܠܲܢ ܠܸܣܓ̣ܵܕܵܐ ܐܸܠܹܗ. 3ܘܟܲܕ ܫܡܸܥܠܹܗ ܗܹܪܘܿܕܸܣ ܡܲܠܟܵܐ: ܫܥܸܫܠܹܗ: ܘܟܠܵܗ̇ ܐܘܿܪܸܫܠܸܡ ܥܲܡܹܗ. 4ܘܓ̰ܘܼܡܸܥܠܹܗ ܟܠܵܝܗܝ ܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ ܕܛܵܝܸܦܵܐ: ܘܒܘܼܩܸܪܹܗ ܡܸܢܵܝܗܝ ܐܲܝܟܵܐ ܦܵܐܹܫ ܝܠܝܼܕܵܐ ܡܫܝܼܚܵܐ. 5ܘܐܵܢܝܼ ܐَܡܸܪܗܘܿܢ ܐܸܠܹܗ: ܓܵܘ ܒܹܝܬ ܠܚܸܡ ܕܝܼܗܘܼܕܵܐ: ܣܵܒܵܒ ܗܲܕܟ̣ܵܐ ܟܬܝܼܒ̣ܵܐ ܝܠܹܗ ܒܝܲܕ ܢܒ̣ܝܼܵܐ. 6ܐܘܼܦ ܐܲܢَܬܝ ܒܹܝܬܠܚܸܡ ܒܐܲܪܥܵܐ ܕܝܼܗܘܼܕܵܐ: ܠܹܐ ܝܘܲܬܝ ܒܵܨܘܿܪܬܵܐ ܒܗܵܟܝܼܡܹ̈ܐ ܕܝܼܗܘܼܕܵܐ: ܣܵܒܵܒ ܡܸܢܵܟ̣ܝ ܒܸܬ ܦܵܠܸܛ ܗܵܟܝܼܡ: ܗ̇ܘ ܕܒܸܬ ܡܲܪܥܹܐ ܠܛܵܝܸܦܝܼ ܝܼܣܪܵܝܹܠ. 7ܗ̇ܝܓܵܗ ܗܹܪܘܿܕܸܣ ܒܛܸܫܘܵܐ ܩܪܹܐܠܹܗ ܠܡܓ̣ܘܼܫܹ̈ܐ: ܘܝܠܸܦܠܹܗ ܡܸܢܵܝܗܝ ܒܚܲܡܚܘܵܪܘܼܬܵܐ ܒܐܲܝܢܝܼ ܙܲܒ̣ܢܵܐ ܦܸܫܠܹܗ ܚܸܙܝܵܐ ܐܸܠܵܝܗܝ ܟܵܘܟ̣ܒ̣ܵܐ. 8ܘܫܘܼܕܪܵܝܠܹܗ ܠܒܹܝܬܠܚܸܡ: ܘܐَܡܝܼܪܹܗ ܐܸܠܵܝܗܝ: ܙܹܠَܡܘܿܢ ܨܲܚܨܸܡܘܿܢ ܥܲܠ ܝܵܠܵܕَܐ ܒܚܲܡܚܘܵܪܘܼܬܵܐ: ܘܐܝܼܡܲܢ ܕܡܘܼܫَܟ̰ܸܚܠܵܘܟ̣ܘܿܢ ܐܸܠܹܗ: ܡܲܕܸܥܡܘܿܢ ܠܝܼ: ܕܐܘܼܦ ܐܵܢܵܐ ܐܵܙܸܠَܢ ܣܵܓ̣ܕܸܢ ܐܸܠܹܗ. 9ܐܝܼܢܵܐ ܐܵܢܝܼ: ܟܲܕ ܫܡܸܥܠܗَܘܿܢ ܡ̣ܢ ܡܲܠܟܵܐ: ܐَܙܸܠܗܘܿܢ: ܘܗܵܐ: ܗ̇ܘ ܟܵܘܟ̣ܒ̣ܵܐ ܕܚܙܹܐܠܗܘܿܢ ܒܡܲܕܢܚܵܐ ܐَܙܸܠܹܗ ܩܵܕَܡܵܝܗܝ: ܗܲܠ ܕܬܹܐܠܹܗ ܟܠܹܐܠܹܗ ܠܥܸܠܸܠ ܡ̣ܢ ܐܲܝܟܵܐ ܕܝܼܗ݇ܘܵܐ ܝܵܠܵܕَܐ ܙܥܘܿܪܵܐ. 10ܘܟܲܕ ܚܙܹܐܠܗܘܿܢ ܠܟܵܘܟ̣ܒ̣ܵܐ: ܚܕܹܐܠܗܘܿܢ ܚܲܕܘܼܬܵܐ ܓܘܼܪܬܵܐ ܪܵܒܵܐ. 11ܘܥܒܼܸܪܗܘܿܢ ܠܒܲܝܬܵܐ: ܘܚܙܹܐܠܗܘܿܢ ܠܝܵܠܵܕَܐ ܙܥܘܿܪܵܐ ܥܲܡ ܡܲܪܝܲܡ ܝܸܡܹܗ: ܘܢܦܸܠܗܘܿܢ ܣܓܸܕܠܗܘܿܢ ܐܸܠܹܗ: ܘܦܬܸܚܠܗܘܿܢ ܚܲܙܝܼܢܵܝ̈ܗܝ ܘܡܘܼܩܪܸܒ̣ܠܗܘܿܢ ܐܸܠܹܗ ܕܝܼܵܪ̈ܝܹܐ: ܕܲܗܒ̣ܵܐ: ܘܡܘܪܵܐ: ܘܠܒ̣ܘܼܢَܬܵܐ. 12ܘܟܲܕ ܥܒ̣ܝܼܕܹܐ ܗ݇ܘܵܘ ܗܸܫܝܵܪ (ܡ̣ܢ ܐܲܠܵܗܵܐ) ܒܚܸܠܡܵܐ ܕܠܵܐ ܕܵܝܪܝܼ ܠܟܸܣ ܗܹܪܘܿܕܸܣ: ܒܐܘܼܪܚܵܐ ܐܚܹܪَܬܵܐ ܐَܙܸܠܗܘܿܢ ܠܐܲܬܪܵܝܗܝ. 13ܘܟܲܕ ܐَܙܸܠܗܘܿܢ: ܗܵܐ: ܦܸܫܠܹܗ ܚܸܙܝܵܐ ܡܲܠܲܐܟ̣ܵܐ ܕܡܵܪܝܵܐ ܒܚܸܠܡܵܐ ܠܝܵܘܣܸܦ: ܘܐَܡܝܼܪܹܗ: ܩܘܼܡَ: ܠܵܒܸܠ ܠܝܵܠܵܕَܐ ܙܥܘܿܪܵܐ ܘܠܝܸܡܹܗ: ܘܥܪܘܿܩ ܠܡܸܨܪܹܝܢ: ܘܬܵܡܵܐ ܗَܘܝܼ ܗܲܠ ܕܐܵܡܪܸܢܘܼܟ ܣܵܒܵܒ ܕܗܕܝܼܪܵܐ ܝܠܹܗ ܗܹܪܘܿܕܸܣ ܠܸܛܲܥܝܵܐ ܠܝܵܠܵܕَܐ ܕܬܵܠܸܩ ܠܹܗ. 14ܘܝܵܘܣܸܦ ܩܸܡܠܹܗ ܫܩܸܠܹܗ ܠܝܵܠܵܕَܐ ܙܥܘܿܪܵܐ ܘܠܝܸܡܹܗ ܒܠܲܝܠܹܗ: ܘܥܪܸܩܠܹܗ ܠܡܸܨܪܹܝܢ. 15ܘܗَܘܹܐ ܠܹܗ ܬܵܡܵܐ ܗܲܠ ܡܵܘܬܹܗ ܕܗܹܪܘܿܕܸܣ: ܕܦܵܐܹܫ ܬܘܼܡܸܡܵܐ ܡܸܢܕܝܼ ܕܦܸܫܠܹܗ ܐَܡܝܼܪܵܐ ܡ̣ܢ ܡܵܪܝܵܐ ܒܝܲܕ ܢܒ̣ܝܼܵܐ: ܕܐَܡܝܼܪܹܗ: ܡ̣ܢ ܡܸܨܪܹܝܢ ܩܪܹܐܠܝܼ ܠܒܪܘܿܢܝܼ. 16ܗ̇ܝܓܵܗ ܗܹܪܘܿܕܸܣ: ܟܲܕ ܚܙܹܐܠܹܗ ܕܦܸܫܠܹܗ ܡܘܼܣܚܸܪܵܐ ܡ̣ܢ ܡܓ̣ܘܼܫܹ̈ܐ: ܟܪܸܒܠܹܗ ܪܵܒܵܐ: ܘܫܘܼܕܸܪܹܗ ܡܘܼܩܛܸܠܹܗ ܠܟܠܵܝܗܝ ܝܵܠܹܕَܐ ܕܓܵܘ ܒܹܝܬܠܚܸܡ ܘܕܓܵܘ ܟܠܵܝܗܝ ܬܸܚܘܼܒܘܼ̈ܗ̇: ܕܡ̣ܢ ܒܲܪ ܬܲܪ̈ܬܹܝ ܫܸܢܹ̈ܐ ܘܠܐܸܠܬܸܚ: ܐܲܝܟܼ ܙܲܒ̣ܢܵܐ ܕܝܠܸܦܠܹܗ ܒܚܲܡܚܘܵܪܘܼܬܵܐ ܡ̣ܢ ܡܓ̣ܘܼܫܹ̈ܐ. 17ܗ̇ܝܓܵܗ ܦܸܫܠܹܗ ܬܘܼܡܸܡܵܐ ܡܸܢܕܝܼ ܕܐَܡܝܼܪܵܐ ܗ݇ܘܵܐ ܒܝܲܕ ܐܹܪܲܡܝܵܐ ܢܒ̣ܝܼܵܐ: ܕܐَܡܝܼܪܹܗ. 18ܩܵܠܵܐ ܦܸܫܠܹܗ ܫܸܡܥܝܵܐ ܒܪܵܡܬܵܐ: ܒܸܟ̣ܝܵܐ ܘܝܠܝܵܝܵܐ ܪܵܒܵܐ: ܪܵܚܹܝܠ ܒܸܒܟ̣ܵܝܵܐ ܥܲܠ ܒܢܘܿܢܘܼ̈ܗ̇: ܘܠܹܐ ܒܵܣܡܵܐ ܗ݇ܘܵܐ ܠܵܗ̇ ܠܸܫܩܵܠܵܐ ܠܸܒܵܐ: ܣܵܒܵܒ ܕܠܲܝܬ ܗ݇ܘܵܘ. 19ܐܝܼܢܵܐ ܟܲܕ ܡܝܼܬܠܹܗ ܗܹܪܘܿܕܸܣ: ܗܵܐ: ܦܸܫܠܹܗ ܚܸܙܝܵܐ ܡܲܠܲܐܟܹܗ ܕܡܵܪܝܵܐ ܒܚܸܠܡܵܐ ܠܝܵܘܣܸܦ ܒܡܸܨܪܹܝܢ. 20ܘܐَܡܝܼܪܹܗ: ܩܘܼܡَ: ܠܵܒܸܠ ܠܝܵܠܵܕَܐ ܙܥܘܿܪܵܐ ܘܠܝܸܡܹܗ: ܘܙܹܠَܐ ܠܐܲܪܥܵܐ ܕܝܼܣܪܵܝܹܠ: ܣܵܒܵܒ ܕܡܝܼܬܠܗܘܿܢ ܐܵܢܝܼ ܕܒܸܛܲܥܝܵܐ ܗ݇ܘܵܘ ܠܓܵܢܹܗ ܕܝܵܠܵܕَܐ. 21ܘܝܵܘܣܸܦ ܩܸܡܠܹܗ ܠܘܼܒܸܠܹܗ ܠܝܵܠܵܕَܐ ܙܥܘܿܪܵܐ ܘܠܝܸܡܹܗ ܘܐَܬܹܐܠܹܗ ܠܐܲܪܥܵܐ ܕܝܼܣܪܵܝܹܠ. 22ܐܝܼܢܵܐ ܟܲܕ ܫܡܸܥܠܹܗ ܕܐܲܪܟܹܠܹܐܘܿܣ ܗَܘܹܐ ܠܹܗ ܡܲܠܟܵܐ ܒܝܼܗܘܼܕ ܡܒܵܕܵܠ ܕܗܹܪܘܿܕܸܣ ܒܵܒܹܗ: ܙܕܸܥܠܹܗ ܕܐܵܙܸܠ ܠܬܵܡܵܐ: ܘܟܲܕ ܦܸܫܠܹܗ ܥܒ̣ܝܼܕܵܐ ܗܸܫܝܵܪ (ܡ̣ܢ ܐܲܠܵܗܵܐ) ܒܚܸܠܡܵܐ: ܐَܙܸܠܹܗ ܠܐܲܬܪܵܐ ܕܓܠܝܼܠܵܐ. 23ܘܐَܬܹܐܠܹܗ ܥܡܸܪܹܗ ܓܵܘ ܡܕܝܼܢَܬܵܐ ܩܪܝܼܬܵܐ ܢܵܨܪܲܬ: ܕܦܵܐܹܫ ܬܘܼܡܸܡܵܐ ܡܸܢܕܝܼ ܕܐَܡܝܼܪܵܐ ܗ݇ܘܵܐ ܒܝܲܕ ܢܒ̣̈ܝܹܐ: ܕܢܵܨܪܵܝܵܐ ܒܸܬ ܦܵܐܹܫ ܩܸܪܝܵܐ.